المرأة مخلوق رقيق بس قوى
خجول بس شجاع
عنيد بس حنيين قوى
البنت بأحتصار شديد زى ( الوردة اللى مليانة شوك) زى الورده محتاجه لرعايه
لو مسكتها اوى هتجرحك يعنى لو قفشت عليها كتير هتسيبك , ولو سيبتها اوى هتقع منك يعنى لو ممايلتش عليها ومادتهاش اهتمام هتبعد عنك .
فى ناس ممكن تفهم الاهتمام ده غلط لدرجه انك لما تقعد تسأل عليها كتير اوى زى تتصل بيها 30 مرة فى اليوم وتقولها بحبك 50 مرة ساعتها هتتخنق منك وتبعد لانها زى ما قولت زى الورده لو سقيتها كتير تغرق وتموت .
لان الاهتمام انها هى اللى تحس انك بتحبها و تبقى مستنيه تسمع منك كلمة بحبك .
1- حسسها بنفسها
يعنى علطول حسسها انها اميرة عالاقل بالنسبالك وانك مكونتش فيوم تحلم ان واحده زيها تحبك وانك دايما ملكها بس.
2- دلعها
يعنى كل ما تزعلوا من بعض صالحها انت حتى لو هيا الغلطانه حسسها بغلطها ولما تعتذر صالحها انت كمان ومترفضلهاش طلب وخاف عليها من الهوا وغير عليها من نفسك من غير ما تخنقها .
3- خليها اهم حاجه فحياتك
يعنى كل ما تقولك عايزه اشوفك او اكلمك سيب اى حاجه عشانها ولو فيوم انشغلت اوى يبأى تعتذرلها بذوق وتتأكد انها مش زعلانه ولو فضلت زعلانه يبأى تعوضهالها بحاجه اجمل .
4 - خليك رومانسى
ودى بتبأى احساس مثلا تبؤا كنتوا لسه مع بعض وتكلمها تقولها وحشتينى او لو خارجين تقولها ربنا يخليكى ليا وتبوس ايدها ..او تغنيلها ولو مش بتعرف تبعتلها اغانى او تكلمها قبل ما تنام تقولها تصبحى على خير كدا يعنى .
5 - متحرجهاش
ودى حاجه مهمه اوى عشان هتدايقها من نفسها يعنى خلى بالك من كل كلمه تقولهالها ولو غلط غصب عنك حاول تنسيها وخلى بالك من كلامك اكتر وانت متعصب عشان مش هيتنسى , مثلا لو فيوم قالتلك انا نفسى أسمى ابننا عمرو متقولهاش انتى بتفكرى فالجواز من دلوأتى ليه المفروض تقول هيبأى أحلى عمرو عشان ابنك او ان شاء الله عالاقل ودايما ارسم حياتك معاها وحسسها بالامان .
6- بلاش تقولها انتى حره
دايما البنت بتعتبر حبيبها كل حاجه فحياتها يعنى لما تاخد رأيك فحاجه تعملها ولا لا متقولهاش براحتك لان انت نصها التانى .
7 - جددوا علاقتكوا
يعنى كل فتره اسألها ايه بيدايقها فيك وغيروا عشان تقدر تخليها اسعد واحده فالدنيا .
8- عاملها زى اختك
يعنى متخرجش تتمشى معاها كل يوم وانت مترضاش لاختك كدا عشان المفروض ان دى هتبأى مراتك ولازم تحافظ عليها زى ما تحب لاختك .
9- بلاش انانية
يعنى مش كل شويه تطلب منها حاجه او تزعل منها وهيا تستحمل وغالبا بنات كتير مش بتعرف تشتكى ولازم انت تحس بيها وحاول دايما متحرمهاش من حاجه وتديها كل اللى تقدر عليه .
10- حنانك اهم من حبك
بلاش علطول تكلمها بجفاف وتزعلها والحنان مش هيتوصف بس حاول دايما تحسسها بيه .
11- خليك كل حاجه فحياتها
يعنى لما تاخد رأيك فحاجه تدايقها وعايزه تحكى قربلها وخليها تحكيلك واحده واحده ومتزعلش لو مرضيتش تحكيلك ...حسسها بحبك اكتر وهيا هتحكى .
12- خليها تشكيك ليك
اطلب منها لما حاجه تدايقها منك تقولهالك انت ومتزعلش مهما كانت الحاجه دى وحشه عشان كدا مش هترضى تحكيلك تانى بعد كدا وهتدور على غيرك يفهمها وكمان الموضوع دا هيقربكوا من بعض اوى .
13- عودها عليك
يعنى كلمها فأى حاجه بس بحدود طبعا بحيث متبآش بتتكسف منك ولو حسيت مره انها محرجه من حاجه بلاش تكسفها وتحرجها اكتر .
14- متحللش لنفسك حاجات وتحرمها عليها
يعنى متقولهاش انا ولد اكلم بنات فالجامعه براحتى وانتى بنت متكلميش ولاد عشان متبوظيش سمعتك عشان زى ماانت بتغير عليها هيا كمان بتغير عليك .
15- متنساش اى تاريخ مهم فحياتكوا
يعنى عيد ميلاد او يوم جوازكوا او خطوبتكوا او الفالنتين كدا يعنى حتى لو الحاجات دى بالنسبه ليك تاهفة فهى بالنسبة ليها مهمة جدا
دخول 
أحدث الصور 
موضوع: ازاي تخلي البنت تحبك ؟؟ 
23/6/2008, 12:28 pm
